У Беларусі з удзелам буйнога славенскага бізнесу рэалізуюцца маштабныя сумесныя праекты ў энергетычнай і будаўнічай сферы.

       У Беларусі з удзелам буйнога славенскага бізнесу рэалізуюцца маштабныя сумесныя праекты ў энергетычнай і будаўнічай сферы. Пра гэта паведаміла намеснік міністра замежных спраў Беларусі Алена Купчына падчас бізнес-форуму "Беларусь-Славенія" ў Любляне. Па словах дыпламата, ёсць шэраг перспектыўных напрамкаў для двухбаковага супрацоўніцтва: атамная энергетыка, хімічная прамысловасць, машынабудаванне, тэлекамунікацыі і інфармацыйнае забеспячэнне, турызм, транспартна-лагістычная, транзітная і іншыя сферы. На думку Алены Купчыной, важныя кампаненты і своеасаблівыя пункты росту ўзаемадзеяння – гэта развіццё крэдытна-інвестыцыйных кантактаў. Намеснік міністра выказала надзею, што славенскія прадпрымальнікі будуць у ліку тых, хто прыйдзе ў Беларусь не толькі з фінансамі, але  і з сучаснымі тэхналогіямі, ноу-хау, ведамі і вопытам.