Кітай надае вялікае значэнне стварэнню з Беларуссю сумесных тэхнапаркаў.

          Кітай надае вялікае значэнне стварэнню з Беларуссю сумесных тэхнапаркаў. Гэта адзначыў намеснік дырэктара ўпраўлення Еўразіі міжнароднага аддзела ЦК Кампартыі Кітая Цянь Найчэн на сустрэчы ў Пекіне з беларускімі журналістамі.
          Праекты па тэхнапарках будуць садзейнічаць умацаванню ўзаемадзеяння паміж дзвюма краінамі, сказаў ён. Пры гэтым кітайскі прадстаўнік акцэнтаваў увагу на тым, што гэтыя праекты ў Кітаі ажыццяўляюцца з улікам жорсткіх экалагічных патрабаванняў.
          І ў працяг тэмы беларуска-кітайскага супрацоўніцтва. Мікраблог пасольства Беларусі ў Кітаі адкрыты на інтэрнэт-партале кітайскай газеты "Жэньміньван".  Як лічаць кітайскія журналісты, дзякуючы гэтаму жыхары Кітая больш даведаюцца пра Беларусь. Сімвалічна, што новы праект стартаваў у год 20-годдзя беларуска-кітайскіх дыпламатычных адносін.