Гарналыжны цэнтр "Сілічы " адкрывае зімовы сезон

Гарналыжны цэнтр "Сілічы " адкрывае зімовы сезон. Спачатку ў тэставым рэжыме адкрыюцца дзве з шасці трас. У гэтым сезоне таксама будзе працаваць сноўборд-парк з хавпайпам і трамплінамі, які адкрыўся мінулай зімой. Акрамя гэтага "Сілічы" запрашаюць адзначыць Новы год у стылі Дзікага Захаду. На зімовы сезон таксама запланаваны спаборніцтвы па слаламе, фестываль снегу, свята Масленіцы і іншыя забавы. А вось  наступным летам  ў "Сілічах " адкрыецца этнаграфічная вёска, дзе можна будзе паназіраць за работай  пекараў, млынароў, кавалёў, ткачоў і рамеснікаў. Тут жа можна будзе паўдзельнічаць у майстар-класах і паспрабаваць стравы беларускай нацыянальнай кухні.