Прэм'ер-міністр Беларусі сустрэўся з дырэктарам аддзела Беларусі, Малдовы і Украіны Сусветнага банка

Прэм'ер-міністр Беларусі Міхаіл Мясніковіч сустрэўся з дырэктарам аддзела Беларусі, Малдовы і Украіны Сусветнага банка Чымяа Фанам.

Апошні  прадставіў членам урада новую стратэгію партнёрства Групы Сусветнага банка для Беларусі і падыходы да яе рэалізацыі на працягу наступных чатырох гадоў.

У адпаведнасці са стратэгіяй партнёрства Група Сусветнага банка будзе аказваць Беларусі падтрымку па павышэнні канкурэнтаздольнасці эканомікі, удасканаленні дзяржаўнай інфраструктуры, паляпшэнні паказчыкаў чалавечага развіцця пры дапамозе павышэння якасці адукацыйных, медыцынскіх і сацыяльных паслуг.