У штаб-кватэры ААН прайшоў паказ мастацкага фільма "Брэсцкая крэпасць".

         З прывітальным словам выступіў пастаянны прадстаўнік Беларусі пры ААН Андрэй Дапкюнас. дыпламат адзначыў важнасць захавання памяці аб ахвярах і подзвігу народаў, якія перамаглі нацызм, каб пазбегнуць паўтарэння памылак мінулага і не дапусціць новай сусветнай трагедыі. Ён падкрэсліў неабходнасць падвоеных намаганняў міжнароднай супольнасці для ўмацавання адзінства, цярпімасці і салідарнасці як галоўных прынцыпаў у міжнародных адносінах.
      Як чакаецца, у пачатку мая адбудзецца спецыяльнае ўрачыстае пасяджэнне Генасамблеі ААН, прысвечанае памяці ўсіх ахвяр Другой сусветнай вайны. Плануецца правесці ініцыіраваную Беларуссю і падтрыманую больш як чатырма дзясяткамі дзяржаў цырымонію пасадкі на тэрыторыі штаб-кватэры ААН Дрэва міру і адзінства.