Беларусь і Рэспубліка Карэя разглядаюць магчымасць узаемнай адмены віз.

        Пытанне аб узаемнай адмене віз паміж Беларуссю і Рэспублікай Карэя будзе прапрацоўвацца. Аб гэтым паведаміў член Камітэта Нацыянальнай асамблеі па стратэгіі і фінансах, кіраўнік парламенцкай Асацыяцыі дружбы Рэспубліка Карэя – Беларусь Шын Ге Рун па выніках сустрэчы са старшынёй Палаты прадстаўнікоў Нацыянальнага схода Беларусі Уладзімірам Андрэйчанкам. На цяперашнім этапе Беларусь і Карэя на ўзаемнай падставе прымяняюць візавы рэжым уезду для асоб з агульнаграмадзянскім пашпартам. Для грамадзян з дыпламатычным і службовым пашпартам дзейнічае бязвізавы рэжым тэрмінам не больш за 90 дзён.