У Польшчы адзначаюць 70-годдзе вызвалення Асвенцыма

        У Польшчы адзначаюць 70-годдзе вызвалення канцэнтрацыйнага лагера ў Асвенцыме і Міжнародны дзень памяці ахвяр Халакосту. Мерапрыемствы праходзяць на тэрыторыі былога лагера “Аўшвіц-Біркенаў”. Беларускую дэлегацыю на іх узначальвае Надзвычайны і Паўнамоцны пасол у Польшчы Аляксандр Авяр’янаў. У рамках цырымоніі пройдуць памінальныя набажэнствы, а кіраўнікі дэлегацый запаляць памінальныя свечкі перад помнікам ахвярам канцлагера.