Беларусь і Усходні Тымор устанавілі дыпламатычныя адносіны

         Беларусь і Усходні Тымор устанавілі дыпламатычныя адносіны. Сумеснае камюніке аб гэтым было падпісана 1 кастрычніка ў Пастаянным прадстаўніцтве Беларусі пры ААН у Нью-Ёрку, паведамілі ў прэс-службе МЗС Беларусі. Ад Рэспублікі Беларусь камюніке падпісаў міністр замежных спраў Уладзімір Макей, ад Усходняга Тымора - міністр замежных спраў і супрацоўніцтва Жазэ Луіш Гутэрэш. Пасля падпісання міністры абмеркавалі перспектывы ўзаемадзеяння ў рамках міжнародных арганізацый, двухбаковага супрацоўніцтва ў эканамічнай і гуманітарнай сферах, а таксама неабходнасць стварэння двухбаковай дагаворна-прававой базы.