Прэзідэнт Беларусі даў інтэрв'ю для ўкраінскай тэлепраграмы "Шустэр Live"

Прэзідэнт Беларусі Аляксандр Лукашэнка даў інтэрв'ю для ўкраінскай тэлепраграмы "Шустэр Live". Зробленыя ў мінулую нядзелю падчас размовы з журналістамі заявы Прэзідэнта Беларусі выклікалі вялікую цікавасць ва Украіне. Меркаванне і пазіцыя кіраўніка беларускай дзяржавы ў адносінах да сітуацыі ў суседняй краіне зрабілі яго ключавой фігурай у медыйнай сферы. Таму Савік Шустэр, аўтар і вядучы адной з найбольш папулярных украінскіх тэлеперадач, папрасіў Аляксандра Лукашэнку адказаць на надзённыя, няхай часам і непрыемныя, пытанні. Некаторыя з іх для Прэзідэнта былі не новыя, але тым не менш Аляксандр Лукашэнка выказаў для народа Украіны сваю пазіцыю ў адкрытым ключы.