Беларусь і Славенія маюць намер актывізаваць палітычнае і эканамічнае ўзаемадзеянне.

       Пасол Беларусі ў Венгрыі і Славеніі па сумяшчальніцтве Аляксандр Хайноўскі ўручыў даверчыя граматы Прэзідэнту Славеніі Боруту Пахору. Пасля цырымоніі ўручэння адбылася гутарка дыпламата са славенскім лідарам, падчас якой былі абмеркаваны пытанні двухбаковых адносін, дыялогу па лініі Мінск-Брусель, узаемадзеяння ў рамках міжнародных арганізацый. Бакі адзначылі дружалюбны характар адносін паміж нашымі дзяржавамі, рэгулярныя палітычныя кантакты.