В'етнам разлічвае на пашырэнне супрацоўніцтва з Беларуссю па розных напрамках.

         В'етнам і далей будзе падтрымліваць курс на пашырэнне сувязей з Беларуссю. Аб гэтым заявіў Надзвычайны і Паўнамоцны Пасол В'етнама ў Беларусі До Ван Май у 23-гадавіну ўстанаўлення беларуска-в'етнамскіх дыпламатычных адносін, паведамляе карэспандэнт БЕЛТА. Кіраўнік дыпмісіі падкрэсліў, што В'етнам і Беларусь мэтанакіравана развіваюць супрацоўніцтва па ўсіх напрамках. Добрыя адносіны складваюцца ў палітычнай, эканамічнай, навуковай і культурнай сферах. У эканамічнай галіне ёсць узаемная зацікаўленасць павялічваць абмен таварамі і паслугамі. В'етнам разлічвае на істотны рост узаемадзеяння з Беларуссю ў сувязі з пагадненнем аб свабодным гандлі з Мытным саюзам.