Прадстаўнік Дзярждэпа ЗША даў станоўчую ацэнку згодзе Беларусі аб правядзенні ў Мінску сустрэчы па вырашэнні ўкраінскага канфлікту

      
         Амерыканскі бок выказвае задавальненне тым, што Беларусь згадзілася правесці на сваёй тэрыторыі сустрэчу па пошуку шляхоў вырашэння ўкраінскага канфлікту. Аб гэтым, заявіў намеснік памочніка дзяржсакратара ЗША па дэмакратыі, правах чалавека і працы Томас Меліа, які наведваў Беларусь у складзе міжведамаснай дэлегацыі ЗША.Акрамя таго,  часовы павераны ў справах ЗША ў Беларусі Скот Роланд заявіў, што ў час сустрэчы прадстаўнікоў дэлегацыі ў Міністэрстве абароны Беларусі была падкрэслена ўдзячнасць ЗША беларускаму боку за ўдзел у такіх міжнародных дагаворах, як Дагавор па адкрытым небе, а таксама ў праграме "Партнёрства дзеля міру".