У Малдове будзе створаны Беларускі культурны рух

У Малдове будзе створаны Беларускі культурны рух "Кліч". Такое рашэнне было прынята ў Кішынёве на ўстаноўчай канферэнцыі грамадскага аб'яднання, у якой прынялі ўдзел прадстаўнікі пасольства Беларусі ў Малдове, Таварыства дружбы Малдова-Беларусь і іншых беларускіх этнакультурных арганізацый. Асноўнымі мэтамі руху “Кліч” стане захаванне, вывучэнне, развіццё і папулярызацыя беларускай культуры, мовы, гісторыі, традыцый, звычаяў, нацыянальнай і культурнай самабытнасці, духоўных і маральных каштоўнасцей беларускага народа, садзейнічанне ўмацаванню двухбаковых дружалюбных адносін паміж Беларуссю і Малдовай.