Беларусь не будзе адклікаць свайго пасла з Украіны

Беларусь не будзе адклікаць свайго пасла з Украіны. Пра гэта паведаміў начальнік упраўлення інфармацыі - прэс-сакратар МЗС нашай краіны Дзмітрый Мірончык, адказваючы на пытанні журналістаў адносна таго, што ўкраінскі пасол адкліканы з Беларусі ў Кіеў для кансультацый.

"Пасля адклікання ўкраінскага пасла для кансультацый пасол Беларусі ва Украіне Валянцін Вялічка сустракаўся з першым намеснікам міністра замежных спраў Украіны, - адзначыў Дзмітрый Мірончык. - Такім чынам, наш дыялог з Украінай прадаўжаецца".

У любым выпадку, паводле яго слоў, беларускі бок зыходзіць з таго, што "ўзровень пасла - гэта ўзровень, на якім павінны падтрымлівацца адносіны паміж суседнімі дружалюбнымі краінамі, звязанымі цеснымі эканамічнымі і асабістымі кантактамі". "Мы спадзяёмся, што на гэтым узроўні нашы адносіны будуць прадаўжацца і ў далейшым", - заявіў Дзмітрый Мірончык.