Першараднай задачай беларускай эканомікі павінна стаць нарошчванне экспартных паставак

Першараднай задачай беларускай эканомікі сёлета павінна стаць нарошчванне экспартных паставак. На гэтым акцэнтаваў увагу на пасяджэнні Прэзідыума Савета Міністраў міністр эканомікі Мікалай Снапкоў.

Кіраўнік эканамічнага ведамства адзначыў , што прагнозныя параметры , запланаваны на бягучы год, маюць аб'ектыўны характар і накіраваны на забеспячэнне стабільнай работы эканомікі, збалансаванага росту і росту дабрабыту насельніцтва. Пры гэтым адзінай бяспечнай магчымасцю выканання гэтай мэтавай задачы, паводле яго слоў, з'яўляецца павелічэнне экспарту. 

Сёлета бюджэтам прадугледжана дзяржпадтрымка экспарцёраў у памеры больш як 1 трлн. 300 млрд. рублёў. Гэта будзе спрыяць стымуляванню рэалізацыі тавараў, вырабленых у Беларусі, на знешніх рынках.