Міжнародны фестываль "Каложскі благавест" пройдзе ў Гродне

XIII Міжнародны фестываль праваслаўных песнапенняў "Каложскі благавест" пройдзе ў Гродне 19-22 лютага 2014 года. Заяўкі на ўдзел ужо падалі калектывы з Расіі, Украіны, Польшчы, Румыніі, Сербіі, Арменіі, Францыі, Літвы. Мяркуецца , што ў конкурснай праграме фестывалю прымуць удзел каля 40 калектываў як свецкіх, так і царкоўных .
На адкрыцці фестывалю выступіць уладальнік Гран -пры XII фестывалю " Каложскі благавест" - хор студэнтаў Маскоўскай дзяржаўнай кансерваторыі імя П. Чайкоўскага. Конкурсныя праслухоўванні пройдуць у Свята-Пакроўскім саборы. А 20 і 21 лютага ў Гродзенскім музычным каледжы і Новым замку адбудуцца пазаконкурсныя канцэрты для шырокай публікі. Таксама адбудуцца тэматычныя выставы, кіналекторыі, вечары духоўнай паэзіі і аўтарскай песні, прэзентацыя кнігі, прысвечанай гісторыі праваслаўных спеваў.