Макей: канфлікт ва Украіне павінен вырашацца на аснове балансу інтарэсаў трох краін

Фота: belta.by

Канфлікт ва Украіне павінен вырашацца на аснове балансу інтарэсаў трох краін - Украіны, Расіі і Беларусі. Аб гэтым заявіў журналістам міністр замежных спраў Уладзімір Макей.

"Наша прынцыповая пазіцыя ў тым, што перагаворы павінны весціся з удзелам трох бакоў, для якіх важна сітуацыя, што развіваецца ў нашым рэгіёне. Гэта датычыцца і Расіі, і Украіны, і Беларусі. Калі гаварыць пра гарантыі, то павінна быць дакладнае разуменне, якія гарантыі бяспекі будуць і для Расіі, і для Украіны, і для Беларусі", - сказаў Уладзімір Макей.

Ён адзначыў, што пазіцыя беларускай дзяржавы вядома: краіна зацікаўлена ў хутчэйшым вырашэнні канфлікту. "Павінна быць знойдзена рашэнне гэтага пытання, але на аснове балансу інтарэсаў, які прынцыпова важны і для Расіі, і для Украіны, і для Беларусі", - падкрэсліў міністр.