Беларусь заклікае сусветную супольнасць звярнуць увагу на сітуацыю з катаваннямі ў сакрэтных турмах ЦРУ

         Беларусь на 22-й сесіі Савета ААН па правах чалавека ў Жэневе заклікала звярнуць увагу на сітуацыю з катаваннямі ў сакрэтных турмах ЦРУ ў шэрагу еўрапейскіх краін. У прыватнасці, намеснік начальніка галоўнага ўпраўлення шматбаковай дыпламатыі МЗС Беларусі Яўген Лазараў выступіў у рамках інтэрактыўнага дыялога са спецдакладчыкамі па катаваннях і па становішчы праваабаронцаў. Прадстаўнік Беларусі адзначыў, што спецдакладчык адрэагавала на рэкамендацыю Беларусі адносна неабходнасці маніторынгу сітуацыі з праваабаронцамі ў заходніх краінах. Упершыню ў яе дакладзе былі названы такія краіны, як Канада, Францыя, Іспанія, Нідэрланды, Швейцарыя, ЗША.