Змянення знешнепалітычнага курсу Беларусі на міжнароднай арэне не будзе, - заяўляе кіраўнік МЗС.

       Ніякага змянення знешнепалітычнага курсу Беларусі на міжнароднай арэне не будзе. Пра гэта ў эфіры тэлеканала АНТ заявіў міністр замежных спраў Уладзімір Макей. Па яго словах, Беларусь, як праводзіла шматвектарную палітыку ў адпаведнасці з устаноўкамі кіраўніка дзяржавы, так і будзе яе праводзіць. Міністр прызнаў, што на нейкім этапе Беларусь была больш арыентавана на ўсходні вектар. Па яго словах, цяпер трэба дыверсіфікаваць гандлёва-эканамічныя адносіны з іншымі краінамі, працаваць актыўна і на іншых напрамках.
       Таксама, па словах Уладзіміра Макея, ёсць усе падставы разлічваць на стварэнне больш пазітыўнай атмасферы ў адносінах Беларусі з Захадам. Знешняя палітыка краіны, заснаваная на прыярытэце нацыянальных інтарэсаў, знаходзіць больш разумення. Беларусь вядзе вельмі актыўны дыялог з еўрапейскімі партнёрамі, з ЗША. Ужо ёсць пэўныя пазітыўныя вынікі. Разам з тым кардынальных змяненняў у беларуска-еўрапейскіх адносінах у сувязі з намаганнямі, якія прыкладае Беларусь для ўрэгулявання канфлікту ва Украіне, міністр пакуль не адзначае.