У Мінск паступіў праект дагавора аб стварэнні Еўразійскага эканамічнага саюза.

        Дакумент зараз павінен прайсці працэдуры ўнутрыдзяржаўнага ўзгаднення. Спачатку яго разгледзяць рэспубліканскія галіновыя органы кіравання, потым Савет Міністраў. Напярэдадні ў Маскве эксперты дапрацавалі палажэнні, якія на сустрэчы ў Мінску ўзгаднілі прэзідэнты Беларусі, Расіі і Казахстана. Такім чынам, праца над дагаворам поўнасцю завершаная. Па рашэнні лідараў мытнай "тройкі" некаторыя эканамічныя пытанні перавялі ў фармат двухбаковага абмеркавання (паміж Беларуссю і Расіяй). Чакаецца, што новую форму інтэграцыі прэзідэнты Беларусі, Расіі і Казахстана запусцяць 29 мая ў Астане. А сам Еўразійскі саюз пачне працу з 1 студзеня 2015 года.