Намеснік старшыні Палаты прадстаўнікоў Нацыянальнага сходу Беларусі сустрэўся з прэзідэнтамі шэрагу краін.

Намеснік старшыні Палаты прадстаўнікоў Нацыянальнага сходу Беларусі Віктар Гумінскі, знаходзячыся з візітам у Паўднёва-Афрыканскай Рэспубліцы, сустрэўся з прэзідэнтамі шэрагу краін. Адбыліся гутаркі з прэзідэнтамі Зімбабвэ, Мазамбіка, Шры - Ланкі, Швейцарыі, старшынёй Камісіі Афрыканскага саюза, прадстаўнікамі ўрадаў Інданезіі, Кітая, Украіны і іншых краін. Беларуская дэлегацыя на чале з Віктарам Гумінскім, а таксама дэлегацыі іншых краін выехалі ў ПАР, каб прыняць удзел у жалобных мерапрыемствах з нагоды смерці былога прэзідэнта гэтай краіны Нэльсана Мандэлы. Жалобныя мерапрыемствы адбыліся ў гарадах Ёханэсбургу і Прэторыі . Іх наведалі больш за дзевяноста кіраўнікоў дзяржаў і ўрадаў розных краін свету. Віктар Гумінскі пакінуў запіс у кнізе спачуванняў для высокапастаўленых прадстаўнікоў замежных дзяржаў.