Cтаршыня КНР: "Беларусь і Кітай падыходзяць да двухбаковых адносін з вышыні доўгатэрміновых інтарэсаў"

          Беларусь і Кітай падыходзяць да двухбаковых адносін з вышыні стратэгічных, доўгатэрміновых інтарэсаў. Такое меркаванне выказаў старшыня КНР Сі Цзіньпін у сваім артыкуле, апублікаваным у газеце "СБ. Беларусь сегодня". Ён адзначыў, што сёння абедзве краіны перажываюць ключавы перыяд свайго развіцця. Старшыня КНР у сваім артыкуле прывёў уласнае бачанне будучыні двухбаковых адносін. У прыватнасці, на яго думку, неабходна ўзмацняць палітычны давер і ўзаемную падтрымку. Акрамя таго, важна паглыбляць практычнае супрацоўніцтва і пашыраць поле агульных інтарэсаў. Кітайскі лідар вітае ўдзел Беларусі ў праекце эканамічнага пояса Шаўковага шляху. Сі Цзіньпін таксама дадаў, што вялікае значэнне для ўмацавання традыцыйнай дружбы мае актывізацыя сувязей у гуманітарнай сферы. Так, кітайскі бок гатовы стварыць у Беларусі свой культурны цэнтр.