Аб'яднаную транспартную лагістычную кампанію створаць сёлета Беларусь, Расія і Казахстан.

       Беларусь, Расія і Казахстан гатовы пачаць фінальную стадыю рэалізацыі праекта па стварэнні Аб'яднанай транспартнай лагістычнай кампаніі. Пра гэта ішла размова на сустрэчы прэм'ер-міністра нашай краіны Міхаіла Мясніковіча з прэзідэнтам "Расійскіх чыгунак" Уладзімірам Якуніным. Плануецца, што кампанію створаць сёлета. Яна дазволіць наладзіць транзіт кантэйнерных грузаў, перш за ўсё, на калідоры ад Кітая да краін Еўрасаюза. Спецыялісты сцвярджаюць, што кампанія будзе канкурэнтаздольнай і прыбытковай для інфраструктур чыгунак трох краін і іх лагістычных прадпрыемстваў. Таксама на сустрэчы ішла размова аб вялікім транспартным праекце з удзелам Расіі, Казахстана і Туркменістана. Ініцыятыва дазволіць звязаць Беларусь і Расію з Еўропай і Персідскім залівам.