Беларуская гандлёва-прамысловая палата і Асацыяцыя міжнародных аўтамабільных перавозчыкаў падпісалі пагадненне аб супрацоўніцтве.

Бакі плануюць ажыццяўляць сумесны падбор, апрацоўку і распаўсюджванне інфармацыі аб знешнеэканамічнай і прадпрымальніцкай дзейнасці ў Беларусі і іншых краінах, а таксама абмен данымі, распаўсюджванне звестак аб экспартным, прамысловым і навукова-тэхнічным патэнцыяле нашай краіны. Акрамя таго, арганізацыі будуць аказваць падтрымку беларускім малым і сярэднім прадпрыемствам у арганізацыі экспарту сваёй прадукцыі і прыцягненні замежных інвестыцый.