Жыхары французскага Бардо ўбачылі "Лебядзінае возера" ў выкананні беларускіх артыстаў. Гастрольны тур па Францыі балетнай трупы Нацыянальнага акадэмічнага Вялікага тэатра оперы і балета Беларусі пачаўся са спектакля ў горадзе Бардо, паведамляе БЕЛТА. Тэатр будзе гастраляваць па 4 мая ў рамках Дзён беларускай культуры ў Францыі са спектаклем "Лебядзінае возера" Пятра Чайкоўскага. Дні беларускай культуры ў Францыі пачаліся 20 сакавіка ў Ліёне прэзентацыяй беларускага кінематографа. Акрамя таго, беларускія кнігавыдаўцы ўпершыню прадставілі сваю прадукцыю на Міжнароднай кніжнай выставе ў Парыжы.