Міжнародны валанцёрскі лагер "Спадчына Сапегаў" будзе працаваць летам у гарадскім пасёлку Ружаны Брэсцкай вобласці. Праект ажыццяўляецца пад эгідай рэспубліканскага грамадскага аб'яднання "Беларуская Асацыяцыя клубаў ЮНЕСКА». Плануецца, што ўдзельнікамі лагера стане моладзь ва ўзросце 18-30 гадоў з Беларусі, Францыі, Італіі, Германіі, Швецыі, Украіны і іншых краін. Валанцёры будуць працаваць на тэрыторыі палаца Сапегаў, дзе працягваецца рэстаўрацыя. Акрамя таго, добраахвотных памочнікаў з інтэрнацыянальнага лагера чакаюць на тэрыторыі помніка архітэктуры - царквы Святога Пятра і Паўла і кляштара базыльянаў, дзе таксама вядуцца рэстаўрацыйныя работы. Запланавана работа і на помніку археалогіі XV - XVI стагоддзяў ўздоўж аб'язной дарогі вакол Белавежскай пушчы - замчышча Боны Сфорцы.