Беларусь плануе правесці ў Мадрыдзе і Барселоне прэзентацыю свайго эканамічнага патэнцыялу. Гэтыя пытанні разглядаліся падчас шэрагу сустрэч пасла Беларусі ў Францыі і Іспаніі па сумяшчальніцтве Паўла Латушкі. Бакі дамовіліся садзейнічаць развіццю кантактаў паміж міністэрствамі эканомікі Беларусі і Іспаніі , арганізацыі ўзаемных візітаў дзелавых колаў . Быў абмеркаваны працэс уваходжання Беларусі ў Сусветную гандлёвую арганізацыю. Мінэканомікі Іспаніі гатова падтрымаць Беларусь у гэтым пытанні.

Бакі таксама абмяняліся думкамі аб магчымых напрамках развіцця двухбаковай дагаворна-прававой базы. Прайшло абмеркаванне развіцця адносін Беларусі з ЕС, а таксама ўзаемадзеяння Беларусі і Іспаніі ў рамках ААН.