Незвычайных " парушальнікаў" затрымалі напярэдадні Новага года полацкія пагранічнікі на самай поўначы Беларусі. Паблізу пагранзаставы Савейкі пралягаў маршрут двух казачных персанажаў . Пільныя пагранічнікі праверылі ў затрыманых дакументы і высветлілі , што з Расіі ў Беларусь ідуць Дзед Мароз і Снягурка. Галоўныя героі навагодніх свят прад'явілі " сапраўдны пашпарт Дзеда Мароза " , у які па ўсіх правілах ўпісана яго ўнучка. Устаноўлена , што Дзед Мароз ужо павіншаваў расійскую дзятву са святамі і цяпер спяшаецца да беларускіх малых. Пагранічнікі даставілі казачных персанажаў на заставу , дзе любімы ўсімі дзядуля павіншаваў дзяцей памежнікаў з надыходзячым святам і падарыў салодкасці.