Bернікі Беларусі ў чаканні вялікай святыні - крыж Андрэя Першазванага прыбудзе ў Мінск ў гэту нядзелю. Рэліквія будзе знаходзіцца спачатку ў храме Апостала Андрэя. Затым крыж перанясуць у самы цэнтр горада - на Мінскае Замчышча, дзе ў панядзелак пройдзе Боская літургія. Пасля службы святыня адправіцца ў храм Усіх Святых, дзе  прабудзе да 2 жніўня. Рэліквія ўжо пабывала ў Санкт-Пецярбургу і Маскве. Крыж Андрэя Першазванага ўпершыню пакінуў Грэцыю толькі сёлета. Прынясенне святыні прымеркавана да святкавання 1025-годдзя Хрышчэння Русі. Плануецца, што ва ўрачыстасцях у Мінску прымуць удзел больш за 80 архіпастыраў і 50 тысяч паломнікаў.