Міжнародны форум камерных аркестраў "Жнівень Нясвіжа " сёлета плануецца ўпершыню правесці ў Беларусі. Задача праекта - паказаць беларускаму гледачу індывідуальнасць і разнастайнасць камерных аркестраў, прадэманстраваць багацце камернага рэпертуару і пазнаёміць публіку з замежнымі артыстамі. У фестывалі будуць прымаць удзел лепшыя калектывы Еўропы. Кожны аркестр наведае Беларусь са сваёй канцэртнай праграмай. Эксклюзіўнасць праекта - у выкананні твораў, напісаных для камернага аркестра кампазітарам сваёй краіны. Форум будзе праходзіць на гістарычных пляцоўках Нясвіжа. Музыку падзеляць на палацавую і пленэрную. Сярод запрошаных на першы фестываль літоўскі аркестр. Вядуцца перамовы аб прыездзе ў Беларусь калектываў з Польшчы і Швейцарыі.