Беларускі Змей Гарыныч – Міфічны Цмок - можа стаць сімвалам Лепельскага краю. Міні-праект па стварэнні турыстычнага брэнда раёна прэтэндуе на атрыманне міжнароднай фінансавай падтрымкі. У беларускай міфалогіі Цмок - уладар зямных і нябесных вод, яго сімвал - вясёлка. Пра Цмока можна прачытаць у Караткевіча. У класіка напісана, што апошні беларускі Цмок жыў у адным з лепельскіх азёр. Вось і вырашылі на Лепельшчыне, што турыстычным сімвалам раёна па праве можа лічыцца гэта легендарная істота.