Дзяржаўны візіт Старшыні КНР Сі Цзіньпіна ў Беларусь дасць магчымасць вывесці ўсебаковае беларуска-кітайскае стратэгічнае партнёрства на новы, яшчэ больш высокі ўзровень. Чакаецца, што будзе падпісана сумесная дэкларацыя аб далейшым развіцці і паглыбленні адносін усебаковага стратэгічнага партнёрства. Пра гэта заявіў намеснік міністра замежных спраў Кітайскай Народнай Рэспублікі Чэн Гапін на сустрэчы з прадстаўнікамі беларускіх СМІ ў Пекіне. Таксама, па словах Чэн Гапіна, візіт Старшыні КНР ў Беларусь пасадзейнічае больш актыўнай рэалізацыі праекта па стварэнні Кітайска-беларускага індустрыяльнага парку.