Беларускі бок зацікаўлены ў наладжванні прамога дыялога паміж Еўрапейскім саюзам і Еўразійскім эканамічным саюзам. На гэта звярнуў увагу міністр замежных спраў Беларусі Уладзімір Макей падчас рабочага візіту ў Германію. Кіраўнік беларускага знешнепалітычнага ведамства выклаў падыходы беларускага боку па праблематыцы рэгіянальнай бяспекі і актуальных пытаннях міжнароднага парадку дня, адзначыў важную стабілізуючую ролю Беларусі ў рэгіёне, закрануў перспектывы беларуска-германскіх адносін і дыялога па лініі Беларусь - ЕС. Чакаецца, што Уладзімір Макей прыме ўдзел у рабоце 51-й Мюнхенскай канферэнцыі па пытаннях бяспекі.