Беларусь і Літва будуць і далей развіваць навукова-практычную дзейнасць у жывёлагадоўчым сектары. Гэта адна з дамоўленасцей, дасягнутых на першым пасяджэнні беларуска-літоўскай рабочай групы па супрацоўніцтве ў галіне сельскай гаспадаркі ў Мінску. Вырашана ўмацоўваць супрацоўніцтва ў галіне ветэрынарыі для прадухілення інфекцыйных хвароб жывёл (асаблівая ўвага будзе ўдзяляцца афрыканскай чуме свіней). Бакі абмеркавалі і рэалізацыю сумесных сельскагаспадарчых інвестпраектаў у Беларусі. Як было адзначана, наша краіна гатова прадоўжыць супрацоўніцтва ў прыцягненні інвестыцыйных рэсурсаў пад выкананне канкрэтных сельскагаспадарчых праектаў і праграм у галіне мадэрнізацыі перапрацоўчых прадпрыемстваў.