Увесь праваслаўны свет адзначае Ражаство Хрыстова. У царкоўным календары гэта другое па значнасці свята пасля Вялікадня. Галоўныя ўрачыстасці прайшлі і ва ўсіх праваслаўных храмах Беларусі. Цэнтральнай падзеяй стала набажэнства ў мінскім Свята-Духавым кафедральным саборы. Са святам Божага нараджэння суайчыннікаў павіншаваў і Прэзідэнт Беларусі Аляксандр Лукашэнка. Ражаство звяртае нас да вечных каштоўнасцей - міласэрнасці і спагады, узаемаразумення і цярпення. З ім адраджаецца добрая традыцыя праяўляць бескарыслівы клопат аб блізкім, аказваць дзейсную дапамогу і падтрымку тым, хто найбольш чакае любові і спагады, - гаворыцца ў віншаванні кіраўніка дзяржавы.