Беларусь рыхтуецца да правядзення чарговага пасяджэння кантактнай групы па ўрэгуляванні сітуацыі на ўсходзе Украіны. Аб гэтым паведаміў прэс-сакратар МЗС Беларусі Дзмітрый Мірончык. “Праводзіцца неабходная работа па падрыхтоўцы гэтага мерапрыемства”, - адзначыў афіцыйны прадстаўнік беларускага знешнепалітычнага ведамства. Адказваючы на пытанні журналістаў адносна будучай сустрэчы, Дзмітрый Мірончык не ўдакладніў, хто канкрэтна будзе ў ёй удзельнічаць, паколькі Беларусь з’яўляецца толькі прымаючым бокам. Нагадаем, чарговы этап перамоў трохбаковай кантактнай групы (Украіна - Расія - АБСЕ) па ўрэгуляванні сітуацыі на Украіны пройдзе ў Мінску 5 верасня.