Нацыянальная выстава Беларусі пройдзе ў расійскім Новасібірску 21-23 кастрычніка, паведамляе БЕЛТА. Форум будзе ладзіцца ў Новасібірску падчас Дзён Беларусі ў Сібіры. Праграмай мерапрыемства запланавана правядзенне Беларуска-расійскага бізнес-форуму з удзелам прэм'ер-міністра Беларусі Міхаіла Мясніковіча, кіраўніцтва міністэрстваў і канцэрнаў, арганізацый і прадпрыемстваў. Правядзенне Нацыянальнай выставы будзе садзейнічаць павелічэнню экспарту беларускіх тавараў і паслуг у Сібірскі рэгіён, стварэнню сумесных беларуска-расійскіх вытворчасцей, развіццю гандлёва-эканамічных сувязяў Беларусі і Сібірскай федэральнай акругі.