Урачыстае шэсце ў гонар свята прайшло ў Мінску. У ім прынялі ўдзел вышэйшыя службовыя асобы, прадстаўнікі дзяржаўных і грамадскіх арганізацый, працоўных калектываў, дыпламатычнага корпуса, моладзь. Прэзідэнт Беларусі Аляксандр Лукашэнка ў памяць аб подзвігу народа ў Вялікую Айчынную вайну ўсклаў вянок да манумента Перамогі.

Для мільёнаў людзей Дзень Перамогі стаў вечным сведчаннем доблесці народаў, якія адолелі найвялікшае сусветнае зло - фашызм,-  заявіў кіраўнік дзяржавы. Таксама Аляксандр Лукашэнка адзначыў, што мы павінны спыніць трагічныя падзеі ва Украіне, чаго б нам гэта ні каштавала. Прэзідэнт са шкадаваннем канстатаваў, што сёння некаторыя палітыкі забываюць урокі гісторыі, спрабуюць прынізіць ролю савецкага народа ў Перамозе над фашызмам, патураюць адраджэнню нацызму.