Беларусь пракладае новыя шляхі супрацоўніцтва з краінамі Балтыі. У нашу краіну прыбыла латвійская дэлегацыя на чале са старшынёй Рыжскай Думы Нілам Ушаковым. Акрамя прадстаўнікоў мясцовых органаў самакіравання прыехалі таксама прадпрымальнікі, якія прымуць удзел у латвійска-беларускім бізнес-форуме.
        На парадку дня - абмеркаванне перспектыў дзелавога ўзаемадзеяння і прэзентацыя новага сумеснага праекта. У гіпермаркетах Мінска латвійцы прапануюць арганізаваць своеасаблівы «Рыжскі дворык», дзе будзе прадстаўлена прадукцыя гэтай краіны. І, адпаведна, у буйных крамах латвійскай сталіцы можа з’явіцца «Мiнскi куток».