Ва Украіне з вялікай надзеяй і падзякай глядзяць цяпер у бок Мінска, таму што для краіны гэта самы вялікі міратворац у вядомым канфлікце. Такое меркаванне выказаў першы сакратар Нацыянальнага саюза журналістаў Украіны Сяргей Тамілін. Ён прымае ўдзел у прэс-туры ўкраінскіх журналістаў у Гомельскую вобласць. Па яго словах, пакуль яшчэ ў краіне захоўваецца трывога з-за таго наколькі поўна будуць выконвацца дамоўленасці, дасягнутыя ў Мінску. У грамадстве, на яго думку, існуе дастаткова вялікі давер да лідараў Германіі, Францыі і Беларусі, але, няма, на жаль, такога ж даверу да ўсходняй суседкі. Журналіст адзначыў, што пазіцыя Прэзідэнта Беларусі, ўсяго беларускага народа накіравана на падтрымку ўкраінскага народа.
       У прэс-туры па Гомельскай вобласці прымае ўдзел каля 30 журналістаў, якія прадстаўляюць рэспубліканскія і рэгіянальныя тэлеканалы і друкаваныя выданні Украіны. Мэта паездкі - знаёмства з паўднёва-усходнім рэгіёнам Беларусі.