У Александрыі адкрыты бюст Юрыя Гагарына работы беларускага скульптара

У планетарыі бібліятэкі егіпецкага горада Александрыі адкрыты бюст Юрыя Гагарына работы беларускага скульптара Івана Міско, паведамляе БЕЛТА.

"Народнага мастака Беларусі Івана Міско называюць "касмічным" скульптарам. Аўтар зрабіў цэлую галерэю скульптур вядомых касманаўтаў, - адзначыў на цырымоніі адкрыцця пасол Беларусі ў Егіпце Сяргей Рачкоў. Ініцыятыва ўвекавечыць памяць першага ў гісторыі чалавецтва касманаўта ў Александрыі належыць егіпецкаму прадпрымальніку Саміру Гамаа. Адкрыццё бюста прымеркавана да 80-годдзя з дня нараджэння Юрыя Гагарына.