Краіны Мытнага саюза распрацуюць міждзяржаўны электронны ўрад .

        Краіны Мытнага саюза -- Расія, Беларусь і Казахстан распрацуюць міждзяржаўны электронны ўрад. Размова пра гэта шла на пасяджэнні Кансультатыўнага камітэта па мытным рэгуляванні Еўразійскай эканамічнай камісіі ў Мінску. Ініцыятыва камісіі па распрацоўцы асноўных напрамкаў развіцця "адзінага акна" ў сістэме рэгулявання знешнегандлёвай дзейнасці на тэрыторыі Мытнага саюза  АЭП была адобрана усімі дзяржавамі – членамі інтэграцыйных аб’яднанняў. Ёсць праект асноўных накірункаў развіцця "адзінага акна", а таксама пакет дакументаў, неабходных для далейшай рэалізацыі гэтага праекта. Па словах экспертаў, сёння  Расія, Беларусь і Казахстан працуюць над стварэннем нацыянальных "адзіных вокнаў", але ў рамках Мытнага саюза краіны  павінны дапаўняць адна адну, захоўваючы пры гэтым нацыянальную спецыфіку.