Гісторыка-культурная каштоўнасць слуцкі пояс папоўніў экспазіцыю Слуцкага краязнаўчага музея.

       На працягу двух месяцаў жыхары і госці горада могуць наведаць бясплатную выставу "Вяртанне слуцкага пояса". Так склалася, што на радзіме слуцкіх паясоў да гэтага часу не было ніводнага поўнага пояса. Зараз гэты прабел запоўнены. Двухбаковы пояс сатканы з шаўковых, сярэбраных, пазалочаных нітак паміж 1762-1780 гадамі на Слуцкай мануфактуры. Яго кошт $90 тысяч. Пояс выкуплены на сродкі, сабраныя жыхарамі Случчыны, прадпрымальнікамі і дзяржаўнымі арганізацыямі.