Турэцкая парламенцкая дэлегацыя наведае Беларусь 20-21 лістапада

          Турэцкая парламенцкая дэлегацыя на чале са старшынёй Вялікага нацыянальнага сходу Турцыі Джэмілем Чычэкам наведае Беларусь 20-21 лістапада.
          Плануецца, што ў Мінску пройдуць сустрэчы турэцкага спікера са старшынёй Савета Рэспублікі Анатолем Рубінавым і старшынёй Палаты прадстаўнікоў Уладзімірам Андрэйчанкам, а таксама з прэм'ер-міністрам Беларусі Міхаілам Мясніковічам і старшынёй Канстытуцыйнага суда Пятром Міклашэвічам.
Як чакаецца, будзе падпісаны пратакол аб супрацоўніцтве паміж Нацыянальным сходам Рэспублікі Беларусь і Вялікім нацыянальным сходам Турцыі.