Беларусь і Джыбуці афіцыйна ўстанавілі дыпламатычныя адносіны.

         Падпісанне сумеснага камюніке адбылося ў пасольстве Беларусі ў Парыжы. Рэспубліка Джыбуці стала 184-й дзяржавай у спісе краін, з якімі Беларусь устанавіла дыпламатычныя адносіны. Падчас гутаркі, якая адбылася паміж пасламі Беларусі і Джыбуці ў Францыі, абмеркаваны пытанні эканамічнага супрацоўніцтва дзвюх краін, і, ў першую чаргу, праектаў паставак беларускай аўтамабільнай і трактарнай тэхнікі на рынак Джыбуці і краін Усходняй Афрыкі. Дадаткова абмеркавана развіццё супрацоўніцтва паміж дзвюма краінамі ў рамках ЮНЕСКА.