Магілёўскі абласны мастацкі музей імя Масленікава падрыхтаваў насычаную праграму да XX Дня беларускага пісьменства, які пройдзе сёлета ў Быхаве.

       Установе культуры вылучылі адну з цэнтральных пляцовак, якая атрымала назву "Вернісаж мастацкіх твораў: гісторыя і спадчына роднага краю". У экспазіцыю ўвойдуць творы мастакоў, якія ў розны час працавалі ў Быхаве і яго ваколіцах. Наведвальнікі галерэі пад адкрытым небам змогуць убачыць лірычныя пейзажы створаныя аўтарамі з Беларусі, Расіі, Украіны і Сербіі.
Яшчэ адзін падарунак гасцям свята - рэканструкцыя батлейкі канца XIX стагоддзя з вёскі Быч Быхаўскага павета. Творчы калектыў "Шчодры", што працуе на базе выставачнай установы не толькі адродзіць традыцыйнае мастацтва батлейкі, але і надасць ёй сучаснае гучанне.