Вялікі тэатр Беларусі рыхтуецца да прэм'еры.

       Балет "Вітаўт" 5 верасня адкрые новы тэатральны сезон. Праект рыхтаваўся тры гады. У пастаноўцы задзейнічана ўся трупа. На партыі галоўных герояў прэтэндуюць тры склады салістаў. У кожнага Вітаўта і Ягайлы - па сваёй Ядвізе і Ганне. Акцэнт у балеце зроблены не на грамадскім служэнні і гістарычных баталіях князёў. Аўтары даследуюць юнацкія гады, калі фарміраваліся асобы дзяржаўных мужоў і нараджалася іх саперніцтва.