Аляксандр Лукашэнка правёў перамовы з кіраўніком МЗС Расіі

Пытанні гандлёва-эканамічнага супрацоўніцтва, умацаванне ўзаемадзеяння ў фармаце Саюзнай дзяржавы і падзеі на міжнароднай арэне сталі тэмамі перамоў Аляксандра Лукашэнкі з кіраўніком МЗС Расіі Сяргеем Лаўровым. Была адзначана прадуктыўнасць такіх сустрэч - гэта добрая магчымасць зверыць гадзіннікі, у першую чаргу ў знешняй палітыцы. Сяргей Лаўроў пацвердзіў, што ў Беларусі і Расіі цалкам супадае зацікаўленасць ва ўмацаванні адносін. І дамоўленасці, дасягнутыя прэзідэнтамі ў Сочы застаюцца ў сіле. Бакі нацэленыя на рэалізацыю сумеснай "дарожнай карты". Дарэчы, на 11 снежня намечаны саміт лідэраў ЕАЭС: ён пройдзе ў онлайн-фармаце.