У Іванаўскім раёне Брэсцкай вобласці рыхтуецца прыняць турыстаў адноўлены сядзібны дом Напалеона Орды.

www.vminsk.by

     Будынак ва ўрочышчы Чырвоны Двор пачалі аднаўляць у 2009 годзе. У мінулым снежні будаўніча-мантажныя работы завяршылі. Зараз супрацоўнікі раённага музейнага комплексу Напалеона Орды і профільныя спецыялісты завяршаюць падрыхтоўку пастаяннай экспазіцыі, прысвечанай жыццю шляхты. У сядзібным доме працавалі і сяляне, таму ў двух пакоях будзе паказаны і іх побыт і культура. Каб госці маглі параўнаць жыццё розных саслоўяў. Усяго турысты змогуць прагуляцца па 16 пакоях. Прапануецца ўладкаваць парадную залу, бібліятэку, гасціную, абедзенную і бальную залы, дзіцячую, працоўны кабінет. Ёсць ідэя ў будучыні закласці сад па аналогіі з тым, які быў у маёнтку сям'і Напалеона Орды.