Нідэрландская дэлегацыя плануе наведаць Беларусь для абмеркавання магчымасцей супрацоўніцтва ў АПК.

         Прадстаўнікі нідэрландскіх кампаній сёлета плануюць прыехаць у Беларусь для абмеркавання магчымасцей укаранення перадавых нідэрландскіх тэхналогій у сферу жывёлагадоўлі. У рамках рэалізацыі беларуска-нідэрландскіх дамоўленасцей аб развіцці супрацоўніцтва ў галіне сельскай гаспадаркі Пасол Беларусі ў Нідэрландах Алена Грыцэнка наведала правінцыю Гелдэрланд. Адбыліся сустрэчы дыпламата з прадстаўнікамі нідэрландскіх кампаній, якія спецыялізуюцца на вытворчасці і перапрацоўцы мясной прадукцыі, а таксама на вырошчванні цялят.